ВКД: Сокини Душанбе бо зиёда аз 2 кило ҳероин ба даст афтод
Кормандони Раёсати кофтукови ҷиноии Вазорати корҳои дохилӣ дар кӯчаи Неъмат Қарабоеви пойтахт зимни як амалиёт бо гумони ғайриқонунӣ нигоҳ доштани маводи нашъадор як марди 32 соларо боздошт кардаанд.
Тавре ба Озодагон аз ВКД хабар доданд, ҳангоми кофтукови шахсӣ аз Хушмаҳмад Остонов бештар аз 2 кило ҳероин дарёфт ва мусодира шудааст.
“Хушмаҳмад Остонов қаблан бо моддаи 200-и Кодекси ҷиноии Тоҷикистон аз озоди маҳрум гашта буд”,-афзуд манбаъ.
Феълан аз рӯи ин ҳодиса парвандаи ҷиноӣ оғоз гардида, тафтиш идома дорад.