IRS қиммати нархномаҳои роҳро боз ҳам боло мебарад

Ширкати   IRS  нархномаи тарофаҳояшро боз ҳам боло мебарад.

Тавре  ба хабаргузории «Озодагон» менеҷери минтақавии ширкати Иноватив Роунд Соулнешнз ё худ  IRS дар вилояти   Мирзоалӣ Мансуров иттилоъ дод, аз километри 128 то ба 169-и шоҳроҳи Хуҷанд-Душанбе, ки дар ихтиёри  ин ширкат 41 километри он аст ва аз минтақаи Майхура то деҳаи Кумари ноҳияи Айнӣ  дар маҷмӯъ 112 км-ро дар бар мегирад, нархномаи тарофаҳо сар аз аввали моҳи июл дар нуқтаҳои ҷамоварикунандаи маблағ дар ноҳияи Шаҳристон ва ҳам минтақаи Майхура боло хоҳанд рафт.
То ин замон чунин масофаи роҳ дар тавозуни  вазорати нақлиёт қарор дошт, аммо аз ин ба баъд масъулияти тармиму таъмири ин ҷода ба ширкати IRS вогузор карда шудааст.
Ба иттилои манбаъ, нархномаи нав  барои нуқтаи ҷамъоварикунандаи маблағ барои ширкат дар ноҳияи Шаҳристон, чунин пешбинӣ карда шудааст:
Категорияи якум 14 сомониву 80 дирам-  аз аввали моҳи июл  23 сомонӣ,
Категорияи дуюм 44 сомонӣ - аз аввали моҳи июл 69 сомонӣ,
Категорияи сеюм 111 сомонӣ - аз аввали моҳи июл  172 сомониву 50 дирам.  
Категорияи чорум, ки то ин муддат 139 сомониро дар назар дошт -  сар аз аввали моҳи июл 216 сомониву 20 дирам муқаррар карда хоҳад шуд.