Боздошти як сокини пойтахт бо ҷурми дуздии 3000 сомонӣ

3000 сомонӣ дар бозори мавсуф ба «Афғонҳо» рабуда шудааст.

---

Тибқи иттилои ВКД дар ин бора аризаи шаҳрванд Наим Пиров, сокини кӯчаи Беҳзод хонаи 2-и пойтахт ворид гардидааст, ки номбурда дар бозори «Деҳқон» ба фаъолияти тоҷирӣ машғул аст. Ду рӯз қабл аз ин, тахминан соатҳои 09-20 дақиқа шахсони номаълум ба тариқи пинҳонӣ аз дохили нақлиёти «КамАз» 3000 сомонии нақдро дуздидаанд.Гуфта мешавад, автомашинаи мазкур дар таваққуфгоҳи бозори «Афғонҳо»-и маҳаллаи Чимтеппаи ноҳияи Рӯдакӣ нигаҳдорӣ мешуд.Зимни баргузории амалиёти вижаи мақомоти интизомӣ Исфандиёр Акрамови 18-сола, истиқоматкунандаи кӯчаи Нахимови ноҳияи Сино боздошт гардид.Далели шайъӣ гирифта шуда, таҳқиқоти қазия идома дорад.{jathumbnail off}