Маҷлиси намояндагон санади марбут ба аъзогии СҶТ-ро имзо кард

Парлумони Тоҷикистон имрӯз, 9-уми январ, дар ҷаласаи навбатии худ санади узвияти Тоҷикистон ба Созмони Ҷаҳонии Тиҷоратро ба тасвиб расонд.

Тибқи иттилоъи дафтари матбуотии Маҷлиси намояндагон, ба тарафдорӣ аз ин ҳуҷҷат 58 нафар аз вакилон овоз дода ва танҳо як вакил раъйи мухолиф додааст.

Маврид ба ёдоварист, як моҳ қабл аз ин, аниқтараш 10-уми декабри соли 2012 созишномаи узвияти Тоҷикистон дар Созмони Ҷаҳонии Тиҷорат (WTO) ба имзо расид ва ҷумҳурии159-умин давлати узви ин созмони ҷаҳонӣ шуд. Тоҷикистон 29 майи соли 2001 дархости узвият ба Созмони Умумиҷаҳонии Савдоро кард ва пас аз музокироти 11-сола ба ин созмон пайваст.