Суғд: 20.000 сомонӣ зарар аз ду сӯхтор

Дар ҳавлии истиқоматии шаҳрванд Каримҷон Бобокалонов, сокини ҷамоати деҳоти Ёваи ноҳияи Б.Ғафуров дар масоҳати 140 метри мураббаъ сӯхтор ба амал омад.

Тавре ба Озодагон аз РКД-и вилояти Суғд иттилоъ доданд, бар асари оташсӯзӣ болопӯши хона ва ашёҳои рӯзгор сӯхта нобуд шудааст: «Аз таҳлил ва таҳқиқи коршиносон бармеояд, ки сӯхтор аз беэҳтиётона истифода бурдани печкаи худсоз сар задааст. Зарари расонидашуда 9000 сомониро ташкил медиҳад».

Хамчунин, худи ҳамин рӯз, тахминан соати 03:40-дақиқа дар ҳавлии истиқоматии шаҳрванд Абдураҳмонов Абдуқаҳҳор, сокини деҳаи Ҷавонии ноҳияи Зафаробод дар масоҳати 70 метри мураббаъ сӯхтор сар задааст, ки дар натиҷаи сӯхтор ба мавсуф 11000 сомониро ташкил медиҳад.