Маҳфили ёдбуд ба хотираи Муҳиддин Олимпур

Конуни байналмилалии Олимпур рӯзи 13-уми декабр намоиши аксҳои Муҳиддин Олимпур, аккос ва хабарнигори тоҷикро дар Душанбе баргузор менамояд.

Дар назар аст, ки дар ин намоишгоҳ ҳудуди 40 акси журналисти фақиди тоҷик ба намоиш гузошта шавад, ки бештар аз манзараҳои табиати Тоҷикистон гирифта шудаанд. Бояд гуфт, Намоиши аксҳои Муҳиддини Олимпур дар осорхонаи "Мино"-и Иттиҳодияи меъморони Тоҷикистон дар наздикии театри опера ва балети ба номи Садриддин Айнӣ, сурат мегирад.

Ҳамзамон, Конуни байналмилалии Олимпур тасмим дорад, дар ин намоишгоҳ СD-и барномаи радиоии  "Аз Душанбе то Лос-Анҷелес"-и Муҳиддини Олимпур ва фиттаи DVD-и консерти Саттор, овозхони шинохтаи эрониро, ки дар моҳи январи соли 1995 дар Кохи Борбади Душанбе баргузор шуда буд, муаррифӣ кунад.

Маврид ба ёдоварист, Муҳиддини Олимпур 13-уми декабри соли 1995 дар шаҳри Душанбе аз сӯйи силоҳбадастон ба қатл расид. Олимпур он замон хабарнигори бахши форсии радиои Би-би-сӣ дар Тоҷикистон буд.Баъдтар чанд нафар аз шаҳрвандони Тоҷикистон ба иттиҳоми даст доштан дар қатли журналист муҳокима ва зиндонӣ шуданд.