Карикатуристи ношунавои эронӣ- барандаи озмун

Париё Пулодванд, бонуи карикатуристи эронӣ, ки аз неъмати шунидан ва сухан гуфтан маҳрум аст, барои дуюмин бор барандаи ҷоизаи мусобиқаи кортуни Олмон шуд  ва ҳоло бо даъвати ин мусобиқа ба Олмон рафтааст.

Ин мусобиқа бо мавзӯъи омӯзиш баргузор шуда буд ва ба дунболи соҳиб шудани ин ҷоиза барои бори дуюм, шаҳрдори Рутени Олмон, ки ин мусобиқаро баргузор кардааст, аз ин ҳунарманди ҷавон ба таври расмӣ  даъват кардааст то барои гирифтани ҷоиза ба ин шаҳр биравад. Дар ин бора хабаргузории Форс иттилоъ медиҳад.