Кашфу мусодираи маводи мухаддир дар вилояти Суғд

Дар пайи як амалиёти фаврӣ-ҷустуҷӯӣ дар дар кӯчаи Синои шаҳраки Пролетари ноҳияи Ҷаббор Расулов маводи нашъадор дарёфт шуд.

Тавре ба хабаргузории Озодагон аз Вазорати корҳои дохилӣ иттилоъ доданд, зимни ин амалиёт Одил Тоирови 32-сола, сокини шаҳри Хуҷанд бо гумони ғайриқонунӣ нигоҳ доштани маводи нашъадор дастгир гардидааст.

Манбаъ афзуд, дар вақти кофтукови шахсӣ аз борхалатаи ӯ 1 килою 957 грамм маводи мухаддири навъи афюн ва 46 грамм маводи нашъадори ҳашиш дарёфт ва мусодира карда шуд.

Феълан, аз рӯи ин ҳодиса парвандаи ҷиноӣ оғоз гардида, тафтиш идома дорад.