Дар ин бора ӯ имрӯз, аснои ширкат дар «Рӯзи байналмиллаилии духтарон» иброз дошт.
Ин маҳфил, ки дар «Маркази фарҳангии исмоилиён»-и пойтахт ҷараён дошт, барои аввалин бор дар Тоҷикистон ҷашн гирифта мешавад. Муштзани номдори тоҷик ҳамчунин афзуд, ки барои ман падару модар, хусуру хушдоману оила ва баъд варзиш муқаддасанд. Чориева гуфт: « Чор сол қабл аз ин бо Амон ном ҷавони варозишгар фотиҳа шуда будам, қарор аст, ки моҳи ноябри имсол тӯи хонадоршавии мо баргузор гардад».
Ба қавли ӯ, номзадаш розӣ аст, ки Мавзуна дар варзиш боқӣ монад ва машқу тамринашро идомабидиҳад.
-Аммо ин ки пас аз фарзанддор шуданам ба майдон мебароям, ё не, хоҳиши худи ман аст,-афзуд Мавзуна Чориева.
Ёдрас менамоем, Мавзуна Чориева ягона варзишгари тоҷикистонӣ аст, ки имсол дар мусобиқоти олимпии Лондон-2012 бо нишони биринҷӣ ба ватан баргашт. Муштзани тоҷик дар як мусоҳибаи ахири телевизионӣ ба мухлисонаш иброз дошт, ки то медали тилло нагирам, ба шавҳар намебароям.