Ҳамрохон Зарифӣ нусхаи эътимодномаи сафири ИМА-ро қабул намуд

Ҳамрохон Зарифӣ, вазири корҳои хориҷаи Тоҷикистон нусхаи Эътимодномаи хонум  Сюзан Эллиот, сафири навтайини Иёлоти Муттаҳидаи Америка дар Тоҷикистонро қабул намуд.

Дар ин бора ба Озодагон Давлат Назриев, сардори раёсати таҳлил ва иттилооти Вазорати корҳои хориҷии Тоҷикистон иттилоъ дод.

Зимни сӯҳбат ҷонибҳо оид ба ҳамкориҳои дуҷониба табодули афкор намуда, ҳавасмандии ҳар ду кишварро ба тавсеаи минбаъдаи равобити мутақобилан судманд изҳор доштанд.