Дар Тоҷикистон маргу мир аз таваллуд 5 маротиба камтар аст

Тибқи иттилои мақомоти сабти асноди ҳолати шаҳрвандӣ нишондоди фавт дар Тоҷикистон таи нимсолаи аввал сари 1000 нафар аҳолӣ ба ҳисоби миёна 4,6 нафар рост меояд, ки нисбати нишондоди таваллуд 5 маротиба камтар аст.

Ба иттилои мақомоти сабти асноди ҳолати шаҳрвандӣ давоми моҳҳои январ июни соли ҷорӣ дар кишвар 17,9 ҳазор нафар фавтидаанд. Аз ин 1,4 ҳазор нафарашонро кӯдакони синни то 1 сола ташкил медиҳанд. Шумораи фавтидагон дар нимсола нисбати ҳамин давраи соли гузашта наздики 3 фоиз зиёд шудаст. Шумораи таваллудшудагон гарчанде нисбати соли гузашта коҳиш ёфтаст, дар маҷмӯъ нисбати фавтидагон наздики 5 маротиба бештар арзёбӣ мегардад. Ба иттилои манбаъ нишондоди таваллуд дар кишвар ба 1000 нафар аҳолӣ 23,6 нафарро ташкил додаст. Дар моҳҳои январ – июни соли ҷорӣ дар кишвар 92 ҳазору 500 нафар кӯдак таваллуд шудаст.