Оббозӣ боиси марги як нафар гардид

Ин ҳодиса рӯзи гузашта дар шимоли кишвар рух додааст.

Тавре аз Кумитаи ҳолатҳои фавқуллода ва мудофиаи гражданӣ ба хабаргузории Озодагон иттилоъ доданд, тақрибан соати 17:08-и дирӯз дар кӯли  назди боғи фарҳангию фароғатии «Наврӯзгоҳ»-и шаҳри Хуҷанд, аснои оббозӣ  шаҳрвандон Мадина Ахмедҷоноваи 16-сола ва Авазҷон Ахмедҷонови 15-сола, истиқоматкунандагони ноҳияи Спитамен ғарқ мешаванд. Баъди ба ҷои ҳодиса ҳозир шудани наҷотдиҳандагони ситоди вилояти Суғд  Мадина Ахмедҷонова наҷот ёфта,ҷасади Авазҷон Ахмедҷонов соати 17:35 дарёфт карда, ба сохторҳои марбута супорида шуд.