Бонуи соҳибкор аз «ҳаҷраванда» пора гирифт

Ин зан бо ҷурми ришва ситониданаш  аз як хоҳишманди сафари ҳаҷ  аз ҷониби кормандони милиса дастгир карда шуд.

Тавре ба Озодагон аз ВКД хабар доданд, зимни амалиёт дар ноҳияи Сино-2  муайян карда шуд, ки Саида Ризоеваи 52 -сола, сокини кӯҷаи Муҳаммадиеви пойтахт то ин замон ба соҳибкорӣ машғул будааст.
Бино ба иттилои манбаъ, хонум Ризоева, рӯзи 30-уми октябри соли 2011  бо роҳи фиреб ба боварии шаҳрванд Умедҷони Талбакзода, сокини ноҳияи Ҳисор, деҳаи Хирманак даромада барои ба ҳаҷ фиристодан аз ӯ 12.000 доллари амрикоӣ гирифта, то ҳол барнагардонидааст. Феълан, нисбати айбдоршуда парвандаи ҷиноӣ боз шуда, тафтишот идома дорад.