Маводи мухаддира қонунӣ шавад?

Русия маводи мухаддирро расмӣ намекунад.

Дар ин бора вазорати умури хориҷаи Русия ҷавобан ба маърӯзаи «Кумиссиёни СММ оид ба муходирот», ки тақозои расмӣ кунонидани баъзе аз намудҳои муходиротро пешниҳод кардааст, изҳор намудааст. Гуфта мешавад, ки чунин пешниҳод аз сӯи 1 созмони ғайриҳукуматии мавсум ба «Кумисияи вижа дар соҳаи муходирот», ки ба он чеҳраҳои саршинос ба мисли собиқ муншии кулли СММ Кофи Аннан, собиқ президентони Бразилия, Мексика, Колумбия ва дигарон шомиланд, ироа шудааст.

Тавре ВКХ Русия иттилоъ медиҳад, изҳороти дар ин маърӯза ироашуда ҳеч умумияте ба мавқеи кишварҳои аъзами узви СММ надошта,  танҳо нуқтаи назари шахсии чанд нафари алоҳида мебошанд, ки шомили ин ташкилоти ғайрирасмианд.

Аз тарафи дигар Русия эълон доштааст, ки барои иҷрои тамоми эъломияҳои зидимуходиротии СММ, ки  раванди қонунӣ ва ҳам ғайриқонунии гардиши мухаддиротро танзим менамояд, содиқ мемонад ва ҳамчунин тамоми қувваро барои муқобилият алайҳи хатари ҷаҳонии маводи мухаддир дар асоси қарорҳои СММ равона хоҳад кард.