Худи Лужков гуфтааст, худашро нағз эҳсос мекунад ва рӯзҳои наздик бемористонро тарк хоҳад гуфт.Аммо табибон мегӯянд, барои муайян намудани санг дар гурдаҳои ӯ, ташхиси ҷиддие зарур аст, ки ҳамакнун Юрий Лужков бояд ба чунин ташхис фаро гирифта шавад.
Гуфтанист, Юрий Лужков баъди қариб 20 соли сарварии пойтахти Русия бар асари як бархӯрд мавриди нобоварии президент Дмитрий Медведев қарор гирифта, якуним сол пеш аз маснад барканор гардида буд. Ҳамчунин, худи Лужкову ҳамсараш Елена Батуринаи тоҷир дар фасоди бузурги молӣ гумонбар дониста мешаванд.