Ба ҳолати 1-уми апрел бақияи умумии қарзҳо тамоили афзоишро идома дода, нисбат ба ҳамин санаи соли гузашта 7,4 фоиз афзудааст.
Тавре ба Озодагон аз хадамоти матбуоти Бонки миллии Тоҷикистон хабар доданд, ин нишондиҳанда то санаи 1-уми апрели соли равон бо пули миллӣ 1825,0 миллион сомонӣ ва бо асъори хориҷӣ 2511,8 миллион сомониро ташкил додааст.
Ба иттилои манбаъ, фоизи миёнавазни қарзҳо дар моҳҳои январ-марти соли ҷорӣ бо пули миллӣ ба 24,26 фоиз ва бо асъори хориҷӣ ба 19,89 фоизи солона баробар шуд, ки нисбат ба ҳамин давраи соли гузашта 2,9 банди фоизӣ паст мебошад.
Зимнан манбаъ зикр кард, ки ҳаҷми қарзҳои хурди додашуда бинобар бештар гаштани талабот ба он, дар ин давра зиёд шуд ва нисбат ба ҳамин давраи соли қаблӣ 31,3 фоиз афзуд.