Ба се барандаи роҳхати олимпӣ 15 000 сомонӣ доданд

Варзиш омили муҳими муаррифии қавму миллат ба ҳисоб  меравад.

Ин нуктаро Маликшо Неъматов, раиси Кумитаи ҷавонон, варзиш ва сайёҳӣ дар ҳамоише изҳор дошт, ки ба хотири барандагони роҳхати олимпӣ созмон ёфт.

Раиси кумита варзишгарони тоҷик Собирҷон Назаров, Ҷаҳон Қурбонов ва Парвиз Одинаевро, ки соҳиби роҳхати олимпиянд, ба ҳузур пазируфт.

Маликшо Неъматов ба Собирҷон Назаров ва Ҷаҳон Қурбонов ба маблағи 5000 сомонӣ ва ба Парвиз Одинаев ба маблағи 2500 сомонӣ тӯҳфаи Эмомалӣ Раҳмон, президенти Кумитаи миллии Олимпии Тоҷикистонро супурд. Дар ин бора ба Озодагон аз Кумитаи ҷавонон, варзиш ва сайёҳӣ иттилоъ доданд.