Кормандони Раёсати мубориза бо гардиши ғайриқонунии маводи нашъаовари Вазорати умури дохилии Тоҷикистон як миқдор маводи мухаддирро кашф ва мусодира намуданд.
Тавре ба хабаргузории Озодагон аз дафтари матбуотии ВКД иттилоъ доданд, дар пайи амалиёт шаҳрванд Сайфиев Ҷамшеди 35 сола, сокини ноҳияи ноҳияи Рӯдакӣ, деҳаи Қуштеппа, дастгир шудааст.
Бино ба иттилои манбаъ, ҳангоми кофтукови хонаи истиқоматии Сайфиев 5 килою 330 грамм маводи нашъадори навъи «ҳашиш» дарёфт ва мусодира карда шуд. Феълан нисбати ин қазия парвандаи ҷиноӣ боз гардида тафтишот идома дорад.