Музокироти Истанбул созанда ва муфид буд

Дабири Шӯрои Олии Амнияти Миллӣ ва раиси гурӯҳи музокиракунандаи Эрон бо гурӯҳи 5+1 музокироти Истанбулро муваффақ, қобили таваҷҷӯҳ ва алоқаи гурӯҳи панҷ ба иловаи якро барои идомаи гуфтугӯ мусбат арзёбӣ кард.

Саид Ҷалилӣ дар поёни музокироти Истанбул дар нишасти хабарӣ гуфт: «Музокирот созанда буд ва бисёре аз масоил барои ҳамкорӣ ва ба унвони шурӯи гуфтугуҳо дар музокироти оянда мавриди таваҷҷӯҳ қарор хоҳад гирифт».

Дабири Шӯрои Олии Амнияти Миллии Эрон бо ишора ба тавонмандиҳои Эрон дар истифода аз энержии сулҳомези ҳастаӣ бо такя бар зарфиятҳои бумӣ таъкид кард, ки Эрон метавонад ба як намунаи муваффақ аз шиори "Энержии ҳастаӣ барои ҳама; силоҳи ҳастаӣ барои ҳеҷ кас !" барои тамомии кишварҳо бошад.

Катрин Штон, масъули Сиёсати хориҷии Иттиҳодияи Аврупо низ пас аз поёни музокирот зимни муфид ва созанда хондани музокироти Истанбул изофа кард: «Мо итминон ёфтем, ки Эрон ҷиддӣ аст ва бояд ба илзомоти байналмиллалӣ пойбанд бошад. Хонум Штон таъкид кард, ки Эрон бояд ҳақи бархӯрдорӣ аз барномаи ҳастаии сулҳомезро дошта бошад.

Ёдовар мешавем, ки бар асоси тавофуқоти Истанбул, даври баъдии музокироти Эрон бо гурӯҳи 5+1 23-юми моҳи май дар Бағдод, пойтахти Ироқ баргузор хоҳад шуд.