Бозиҳои даври 2-юми мусобиқаи XXI-уми қаҳрамонии футболи Тоҷикистон анҷом ёфт.
Се бозии даври дуюм, рӯзи 14-уми апрел доир гардид: «Истаравшан»-и Истаравшан дастаи «Равшан»-и Кулобро бо ҳисоби 3:1 шикаст дод. «Зарафшон»-и Панҷакент бозияшро бо «Энергетик»-и Душанбе 2:2 кард. «Истиқлол»-и Душанбе ва «Хайр»-и Ваҳдат низ дидори худро мусовӣ-1:1 ба поён бурданд.
Бозиҳои дигари ин давр, дирӯз, 15-уми апрел баргузор шуд. «Ҳосилот»-и Фархор аз ССКА «Помир»-и Душанбе бо ҳисоби 3:1 шикаст хӯрд. «Регар-ТадАЗ»-и Турсунзода бо ҳисоби 4:1 бар «Парвоз»-и Бобоҷон Ғауров дастболо шуд. Бо ҳамин ҳисоб «Хуҷанд»-и Хуҷанд «Гвардия»-и Душанберо ноком гардонд.
Дастаи «Вахш»-и Қӯрғонтеппа аз бозии даври дувум озод буд.