Хосеп Гвардиола, тренери клуби «Барселона»-и Испания садрнишини рейтинги беҳтарин сармураббии футболи Аврупо шуд.
Феҳрасти мураккаб аз 25 зинаро нашрияи интернетии Bleacher Report тартиб додааст. Дар мақоми дуюми рейтинг Жозе Моуриню, сармураббии бошгоҳи «Реал»-и Мадрин қарор дорад. Сэр Алекс Фергюсон, ки тими «Манчестер Юнайтед»-и Англияро тамрин медиҳад, зинаи сеюмро ба худ ихтисос додааст. Мақоми чор ва панҷумро мутаносибан Йоахим Лев, тренери тими миллии Олмон ва Висент дел Боск, сармурабии яккачини Испания соҳиб шудаанд. Сармураббии тими миллии футболи Русия Дик Адвокат дар рейтинги беҳтарин тренери футболи Аврупо 14-ум аст.