«Атлетико», «Валенсия», «Атлетик» ва «Спортинг» дар ½-финали Лигаи Аврупо

Ба бозиҳои ½-финалии Лигаи Аврупо се клуби Испания роҳхат гирифт

Шоми рӯзи гузашта бозиҳои ҷавобии даври чорякниҳойии Лигаи Аврупо баргузор шуд.   Ба даври навбатӣ се клуби Испания ва як тим аз Португалия роҳхат гирифтанд.

«Атлетик»-и Билбао дар майдони худ бозиро бо «Шалк»-и Олмон 2:2 кард. Аммо пирӯзии бозии аввал ба ӯ имкон дод, ки ба ½ финал биравад. Натиҷаи рақобати «Спортинг» ҳам бо «Металлист» мусовӣ- 1:1 шуд ва клуби Лисаббонро низ ғолибияти бозии аввал ба даври дигар бурд. «Валенсия» дар майдони худ бо ҳисоби 4:0 тими АЗ-и Ҳоландро шикаст дод. «Атлетико» дар меҳмонӣ 2:1 бар «Ганновер» дастобо шуд.

19 ва 25 апрел даври ниманиҳойӣ баргузор мешавад. "Валенсия" бо "Атлетико"-и Мадрид ва  «Спортинг»  бо «Атлетик»-и Билбао вориди рақобат мешаванд.