Аз 16 то 27-уми апрели соли ҷорӣ дар саросари кишвар даври аввали мубориза бар зидди кирми меъда бо истифодаи доруии «Албендозол» гузаронида мешавад.
Тавре ба Озодагон аз маркази матбуоти Вазорати тандурустӣ иттилоъ доданд, бо ташаббуси Вазорат ва Маркази ҷумҳуриявии мубориза бар зидди бемориҳои тропикӣ чорабинии мазкур дар байни кўдакони синни томактабӣ, мактабӣ ва занҳои миёнсол амалӣ гардонида мешавад.
Манбаъ афзуд, ки даври дуюми ин чорабинӣ аз 17 то 28-уми сентябри соли 2012 сурат мепазирад. Ҳадафи асосии чорабинии мазкур паст кардани сатҳи сироятнокии аҳолӣ бо гелминтозҳо ва кам намудани миқдори гелминтҳо дар бадани кўдакону наврасон мебошад.