Мошиндуздӣ дар Данғара

Донишҷӯи мошиндузд боздошт гардид.

Тибқи иттилои дафтари матбуотии ВКД, дар бораи ин ҳодиса аризаи шаҳрванд Фарзона Алиева, истиқоматкунандаи ноҳияи Данғара, кӯчаи  И. Шарипов, хонаи 178 ворид гардид. Рӯзи 29-уми майи соли равон шахси номаълум бо роҳи пинҳонӣ аз кӯчаи Бинокорон автомашинаи  шахсии ӯ тамғаи «Лексус-РХ330» ғайриқонунӣ рабудааст, ки арзишаш 20000 доллари ИМА-ро ташкил медиҳад. Аснои баргузории чораҳои фаврӣ- ҷустуҷуӣ шаҳрванд Сорбон Алиеви 18 сола, донишҷӯи бахши 1-уми литсеи касбии техникии ноҳияи Данғара дастгир карда шуд.
Тафтишоти ин қазия идома дорад.