Бохти Шалк аз Атлетик дар Лигаи футболи Аврупо

Бозии аввали даври ¼ финалии Лигаи футболи Аврупо миёни тимҳои "Шалк"-и Олмон ва "Атлетик"-и Испания бо ҳисоби 2:4 ба поён расид.

Ду тӯби "Шалк"-ро Раул ба нишон расонд. Муаллифи голҳои "Атлетик" бошад, Фернандо Лорент (ду гол), Оскар де Маркос ва Икер Муняин буданд.

 

Се бозии дигари даври чорякниҳоии сабқати мазкур бо ҳисоби якхелаи 2:1 ба нафъи соҳибони майдон анҷом шуд. "Спортинг"-и Лиссабон бар "Металлист"-и Харков, АЗ-и Ҳолланд бар "Валенсия" ва "Атлетико"-и Мадрид бар "Ганновер" дастболо шуданд. Бозиҳои ҷавобии ¼   финалии Лигаи Аврупо 5-уми апрел баргузор мешаванд.