Радиои «Пайванд» дар Хуҷанд ба пахши барномаҳо оғоз мекунад

Дар шимоли кишвар боз як радиои мустақил рӯи мавҷи кӯтоҳ ба таври тестӣ (санҷишӣ) ба фаъолият шурӯъ кард.

Тибқи иттилои хабарнигори маҳаллии хабаргузории Озодагон ин шабакаи радиоӣ “Пайванд” ном дошта,  марбут ба телевизиони мустақили СМ-1 аст, ки аз соли 1998 дар шимоли Тоҷикистон фаъолият мекунад.

Бино ба гуфти манбаъ,  Акрам Ӯрунов, мудири ин шабака иброз доштааст, ки  озмоиши пахши барномаҳои радиои “Пайванд” рӯи мавҷи 100,6  сурат мегирад ва барои кор дар ин шабакаи нав ҳудуди 20 нафар ҷалб хоҳанд шуд.

Маврид ба ёдоварист, радиои «Пайванд»  аз 16 апрел ба пахши барномаҳояш, ки 18 соат дар шабонарӯз хоҳад буд, шурӯъ мекунад, дар айни ҳол дар Хуҷанд рӯи мавҷи FМ 5 радио барнома пахш мекунад.