То имрӯз аз гармхонаҳои доимии ҷумҳурӣ 242,4 тонна помидор, 180,5 тонна бодиринг, 40,85 тонна дигар намуди сабзавотҳо ҷамъоварӣ карда шудааст.
Тибқи иттилои маркази матбуот ва иттилооти Вазорати кишоварзӣ соли ҷорӣ майдони кишти гармхонаҳои доимӣ 67,97 гектарро ташкил медиҳад: «То имрӯз дар майдони 61,49 гектар бодиринг, помидор ва дигар зироатҳо кишт карда шудааст, ки 90,5% нақшаро ташкил медиҳад».
Ин дар ҳолест, ки дар мағозаҳои пойтахт помидору бодиринг, ки бениҳоят кам ёфт мешаванд, бо нархҳои гарон фурӯхта мешаванд. Як кило помидор 17 сомонӣ бодиринг бошад ба маблағи 15 сомонӣ нархгузорӣ карда шудаанд.
Манбаъ афзуд, соли ҷорӣ дар ҷумҳурӣ дурнамои шудгори заминҳо 618.015 гектар муқаррар шудааст, ки то имрӯз дар масоҳати 469.861 гектари он иҷро шудааст, ки 76 фоизи дурнаморо ташкил медиҳад.