баргард чоп кардан

4 нафар дар Шамтучи Айнӣ ба ҳалокат расиданд

Тавре Ориф Нозимов, сухагӯи маркази матбуотии Кумитаи ҳолатҳои фавқулодда ба хабаргузории «Озодагон» иттилоъ дод, рӯзи гузашта тахминан соати 08:30 дар  роҳи мошингарди Айнӣ -Кӯҳистони Мастчоҳ дар километри  51-уми мавзеъи   «Санги дамгирак»-и деҳаи Шамтучи ҷамоати Шамтучи ноҳияи Айнӣ, аз танаи кӯҳ санг канда шуда ба автомашинаи  тамғаи « ВАЗ -21011»  бархӯрдаст.

Манбаъ афзуд, зимнан нақлиёти сабукрав  ба ҷарӣ сарозер шуда, дар натиҷаи ин ҳолати фавқулодда Баҳриддин  Шониёзови 30- сола, истиқоматкунандаи деҳаи Вешаб,ҷамоати деҳоти Шамтучи  ноҳияи Айнӣ, Бобо Зарипови 47- сола ва Ҷумъа Атоеву Акобир Маҳмудов  ҷароҳати вазнини ҷисмонӣ гирифта, дар макони ҳодиса ба ҳалокат расидаанд. Ҷасади ҳалокшудагон дарёфт карда шуда, ба наздиконашон супорида шудааст.