Аснои баргузории амалиёти вижаи кормандони милиса дар пойтахт миқдори зиёди маводи мухаддир забту мусодира гардид.
Тавре ба хабаргузории «Озодагон»аз дафтари матбуотии ВКД иттилоъ доданд, зимни амалиёт дар кӯчаи Н.Махсуми ноҳияи Сино, Алидод Нусратови 21- сола дастгир карда шуд. Ҳангоми кофтукови шахсӣ аз дохили борхалтаи ӯ маводи нашъадори «бангдона», ки вазнаш 2 килою 360 граммро ташкил медод, дарёфт гардид.
Манбаъ ҳамчунин афзуд, ба ҳамин ҳодиса монанд дар маҳаллаи Биниҳисорак, шаҳрванд Фирдавс Саъдуллоеви 30- сола, сокини кӯчаи Биниҳисорак боздошт гардид. Аз номбурда 1 килою 680 грамм ҳероин дарёфт карда шуд.
Оиди ҳар ду далел парвандаи ҷиноӣ ифтитоҳ гардида, тафтишот идома дорад.