Дар варзишгоҳи марказии шаҳри Табошар даври минтақавии мусобиқаи ҳарбӣ - варзишии «Сипар» баргузор гардид.
Дар озмун варзишгарон аз шаҳру ноҳияҳои вилоят, аз ҷумла Чкалов, Қайроққум, Табошар, Спитамен, Ҷаббор Расулов ва Бобоҷон Ғафуров аз рӯи 8 намуди варзиш қувваозмоӣ намуданд.Бояд қайд намуд, ки мусобиқа аз рӯи намудҳои сафкашӣ, мудофиаи шаҳрвандӣ, эстафетаи мудофиаи шаҳрвандӣ, тирандозӣ, ба қисмҳо ҷудо намудани автомати тамғаи Калашников, варзиши сабук, газетаи деворӣ ва сӯхторхомӯшкунӣ гузаронида шуд.
Дар натиҷа, ҷойи аввал насиби варзишгарони шаҳри Табошар ва ҷойи дуюм насиби варзишгарони ноҳияи Бобоҷон Ғафуров гардида, варзишгарон ба озмуни вилоятӣ роҳхат гирифтанд.