«Китоби Душанбе» дар Душанбе баргузор мешавад

Намоишгоҳи байналмилалии китоб таҳти унвони «Китоби Душанбе»  фардо дар пойтахти ҷумҳурӣ оғоз мегардад.

Ин чорабинӣ то 27 май дар бинои Филармонияи  давлатии ба номи Акашариф Ҷӯраев идома мекунад. Тибқи иттилои вазорати фарҳанги кишвар барои ширкат дар намоишгоҳ  сафорату намояндагиҳои кишварҳои хориҷӣ, созмонҳои байналмилали муқими Тоҷикистон ва ташкилоту муассисаҳои ватаниву хориҷии интишоротӣ, тиҷорати китоб, оҷонсиҳои адабӣ ва иттилоотӣ даъват шудаанд.  Зимнан, дар ҳаҷми 4 метри мураббаъ ҷой ва таҷҳизоти зарурӣ, аз ҷумла ғурфаю қафасаҳо ва рафҳои китобмонӣ ба ихтиёри ҳамаи иштирокчиён ба таври ройгон гузошта мешаванд.