Занги камолот наздик аст

Занги камолот, ки қаблан бо унвони «занги охир» ёд мешуд, дар мактабҳои Тоҷикистон рӯзи 31-уми май садо хоҳад дод.

Дар ин бора ба «Озодагон» аз дафтари матбуотии вазорати маориф иттилоъ доданд. Бино ба қавли манбаъ, то охири моҳи равон кулли барномаҳои таълимӣ ба поён мерасанд ва аз ин рӯ на 10-уми июн, балки 31-уми май соли хониш ба итмом мерасад. Дар соли таҳсили равон хонандагони макотиби Тоҷикистон аз таътили тирамоҳӣ ва баҳорӣ бебаҳра монда, дар баробари ин моҳи январ пурра истироҳат карда буданд.