8 кило афюн дар салони нақлиёти сабукрав дарёфт шуд
Дар пайи як амалиёти фаврӣ-ҷустуҷӯӣ дар таваққуфгоҳи «вокзал»-и роҳи оҳани шаҳри Душанбе маводи нашъадор дарёфт шуд.
Тавре ба хабаргузории «Озодагон» аз вазорати корҳои дохилӣ иттилоъ доданд, зимнан, аз салони автомашинаи тамғаи «ВАЗ-21124» рақами давлатияш 10-33 АА 08, ки ба шаҳрванд Музаффар Раҳмонови 27 сола, сокини ноҳияи Ҳамадонӣ таалуқ дорад, маводи мазкур пайдо гардид.
Ба иттилои манбаъ, аз дохили дари чапи паси ронанда 8 адад бастаҳои печонидашуда, ҷамъ ба миқдори 8 килою 036 грамм маводи нашъадори навъи «афюн» дарёфт ва мусодира карда шудааст.