Помири Тоҷикистон дар рейтинги “100 green destinations”
Помири Тоҷикистон ба раддабандии ҷаҳонии “100 green destinations” (100 ҳадафи сабз) роҳ ёфтааст.
Рейтинги нави “100 green destinations” дар ҳамоише бахшида ба Рӯзи байналмилалии сайёҳӣ муаррифӣ шудааст. Ин ҳамош аз 28 то 30 сентябр дар шаҳри Кашкайшеи Португалия доир гардид.
Дар раддабандии нав аз кишварҳои пасошуравӣ танҳо исми Помири Тоҷикистонро метавон пайдо кард.
Дар гузашта, Помир дар қатори 99 минтақаи дигари ҷаҳон беҳтарин макони устувор ва сабз барои сайёҳии ҷаҳонӣ ҷой гирифта буд.
“100 green destinations” ҳамасола дар ҳамдастӣ бо раҳбарони ташкилотҳои байналмилалӣ, барномаҳо ва ВАО оид ба сайёҳии устувор бо дарназардошти табиат, муҳити зист, иқлим, фарҳанг, расму оин, рафтори одамон ва меҳмоннавозӣ, ҳамчунин идоракунии устувори бахши ҷаҳонгардӣ таҳия мешавад.