Пирӯзии яккачини футболи Тоҷикистон бар Непал
Мунтахаби футболи Тоҷикистон дар даври саввуми мусобиқаи интихобии Ҷоми Осиё-2019 дастаи Непалро шикаст дод.
Ин бозӣ имрӯз, 5 сентябр дар шаҳри Катманду баргузор ва бо ҳисоби 2:1 ба фоидаи Тоҷикистон хотима ёфт.
Голи аввали вохӯриро Манучеҳр Ҷалилов, ҳамлагари мунтахаби Тоҷикистон дар дақиқи 25-ум ва голи дуввумро Дилшод Восиев дар дақиқаи 30-юми рақобат ба ҳадаф расонд. Ягона голи ҷониби Непалро дар дақиқаи 51-ум Бимал Ғартӣ Магар вориди дарвозаи футболбозони тоҷик намуд.
Мунтахаби кишвар дар рақобатҳои муқаддамотии Ҷоми Осиё-2019 нахустин бозиашро бо мунтахаби Яман анҷом дод. Ин бозӣ бо ҳисоби 1:2 хотима ёфт. Дар бозии дуввум дастаи Филиппинро бо ҳисоби 4:3 шикаст дод.