4 голи беҷавоби “Истиқлол” ба дарвозаи тими Филиппин
Дастаи “Истиқлол”-и Душанбе дар нахустин дидори даври ниманиҳоии байниминтақавии Ҷоми Конфедератсияи футболи Осиё –2017 тими “Серес Негрос”-и Филиппинро шикаст дод.
Ин бозӣ шаби 22 август дар Варзишгоҳи марказии шаҳри Ҳисор баргузор шуда ва бо ҳисоби 4:0 поён ёфт. Голҳоро Аҳтам Назаров, Ромиш Ҷалилов ва Манучеҳр Ҷалилов (2) ба ҳадаф расониданд.
Бозии ҷавобии дастаҳо 12 сентябр дар шаҳри Баколоди Филиппин доир мегардад.