Назарзода: Роҳи Душанбе-Кӯлоб-Хоруғ аввали ҳафтаи оянда боз мешавад (ВИДЕО)
Генерал Рустам Назарзода, сардори Кумитаи ҳолатҳои фавқулода ва мудофиаи граждании Тоҷикистон мегӯяд, роҳи Душанбе-Кӯлоб-Хоруғ аввали ҳафтаи оянда кушода хоҳад шуд.
Назарзода имрӯз, 20-уми июл зимни нишасти матбуотӣ дар Душанбе гуфт, барқарорсозии роҳ дар мавзеҳои Хостав ва Ширговад идома дорад: “Корҳои таркишӣ ва пурсозӣ бо сангу шағал идома дорад. Дар нақша аст, ки рӯзҳои душанбе-сешанбеи ҳафтаи оянда роҳ боз шавад”.
Ба гуфтаи генерал дар пайи селфароӣ ва болоравии сатҳи об дар мавзеъҳои Ширговад ва Хостави ноҳияи Дарвоз ҳудуди 1,5 километр роҳ зери об монда буд.