Ҷаҳонгир Эргашев “Истиқлол”-ро ба қасди “Хуҷанд” тарк намуд
Ҷаҳонгир Эргашев, нимҳимоятгари дастаи “Истиқлол”-и Душанбе ба дастаи “Хуҷанд”-и Хуҷанд гузашт. Дар ин бора аз Бошгоҳи тими “Истиқлол” ба “Озодагон” хабар доданд.
Ба иттилои манбаъ, бо ин далел ки “Истиқлол” чанд ҳамлагар дорад ва Эргашев бештари вақт дар курсии эҳтиётӣ менишаст, ӯро ҷавоб доданд: “Наздики 10 рӯз мешавад, ки дар тими мо нест. Ӯ бо “Хуҷанд” шартнома баст”.
Ҷаҳонгир Эргашев 23 сол дошта, дастпарвари “Хуҷанд” аст. Ӯ дар гузашта дар тимҳои “Динамо-Брест”-и Белорус ва КМВА “Помир” ҳам бозӣ кардааст.