Снайпер аз масофаи рекордӣ ду ҷангҷӯи ДИИШ-ро дар Ироқ кушт
Дар Ироқ снайпер аз масофаи рекордии 3450 метр ҷангҷӯёни гуруҳи террористии ба ном “Давлати исломӣ” ё ДИИШ-ро маҳв кардааст.
Бино ба иттилои The Globe and Mail, тирандози моҳири яке аз воҳидҳои вижаи Неруҳои мусаллаҳи Канада рекорди ҷаҳонии аз масофаи дур ҳадаф қарор додани одамонро шикастааст. Ин ҷавон, ки дар Ироқ хизмати ҳарбиашро мегузаронад, ду ҷангии ДИИШ-ро аз масофаи 3450 метр безарар гардондааст. Манбаъ менависад, барои маҳви ҳадафҳо ба ӯ ҳамагӣ 10 сония лозим шудааст. “Ба ҷойи бомб, ки метавонад сокинони осоиштаро бикушанд, мо аз снайперҳо истифода мекунем. Аз чунин масофа ҷангиён ҳатто намефаҳманд, ки чӣ ҳодиса рӯй дод”,-гуфтааст намояндаи Неруҳои ҳарбии Канада. Ба гуфтаи ӯ, ин маълумот ҳоло таҳқиқ мешавад, аммо ба эҳтимоли қавӣ ин рекорди нав аст.
Рекорди қаблӣ ба снайпери бритониёӣ Крейг Гаррисон таалуқ дошт. Ӯ соли 2009 дар масофаи 2475 метр пулемётчии “Толибон”-ро кушта буд.