Дар пайи як сониҳаи нақлиётӣ дар ноҳияи Роштқалъа 2 нафар ба ҳалокат расидаанд.
Тавре ба хабаргузории «Озодагон» аз ВКД иттилоъ доданд, ронандаи автамашинаи тамғаи «Чанху» Окимшо Нафасшоеви 27 сола, сокини ҷамоати Сумчев, ҳангоми ҳаракат аз тарафи қишлоқи Хидорҷев ба самти ҷамоати Сумчев дар км 2-юм бехатарии ҳаракатро риоя накарда, ба тарафи чапи роҳ баромада, чаппа шудааст. Дар натиҷа мусофирони автамашина Кароматшо Кароматови 49 сола, сокини кӯчаи Тевдем, Расул Кабутаршоеви 22сола, сокини деҳаи Сумчев ҷароҳати вазнини ҷисмонӣ бардошта, дар ҷойи ҳодиса ба ҳалокат расидаанд.
Манбаъ афзуд, ронанда Окимшо Нафасшоев ва мусофири автамашина Акмал Душанбиев айни замон дар беморхонаи ноҳияи Роштқалъа бо ҷароҳатҳои вазнини ҷисмонӣ бистарӣ гаштаанд.