Қочоқи беш аз 20 000 килло пиёз аз Тоҷикистон ба Қирғизистон
Хадамоти давлатии гумруки Қирғизистон аз қочоқи пиёз аз Тоҷикистон ба қаламрави ин кишвар хабар додааст.
Дафтари матбуоти ин хадамот гуфтааст, дар рустои Куктоши вилояти Ботканд кормандони гумрук автомашинаи тамғаи “DAF FT95 ХА 480” бо рақамҳои давлатии Қирғизистонро нигоҳ доштаанд: “Ҳангоми азназаргузаронӣ аз дохили он 20 020 кг пиёз бидуни асноди лозим ошкор гардид, ки аз Тоҷикистон интиқол шудааст”.
Ба иттилои манбаъ, аз рӯи ин далел парвандаи ҷиноятӣ оғоз шуда, хисорот дар ҳаҷми 76 138,06 сом барқарор шуд.