ВМКБ: Сангрезӣ 3 нафарро кушт
Вазорати умури дохилии Тоҷикистон мегӯяд, шаби 25-уми май дар ноҳияи Роштқалъа бар асари сангрезӣ трактор бо се нафар ба дарё сарозер шудааст.
Тибқи иттилои Вазорати умури дохилӣ трактори “МТЗ-80”, таҳти идораи марди 68-сола аз деҳаи Ҷавшангол ба самти маркази ноҳия ҳаракат доштааст: “Ногаҳон аз боло сангпораҳо афтида, ба қисми пеши трактор бархӯрдаанд. Ронанда аз уҳдаи идораи трактор набаромадааст ва дар натиҷа воситаи нақлиёт ба дарёи “Шоҳдара” чаппа шудааст”.
Манбаъ афзуд, дар натиҷа, худи ронанда ва мусофиронаш - ду марди 49 ва 50-сола, сокинони ноҳияи Роштқалъа дар дарё ғарқ шуда, ба ҳалокат расидаанд.