Даъвати баҳории наваскарон ба сафи Артиши Миллӣ ҳудуди 95 дарсад иҷро гардид.Дар ин бора сухангӯи вазорати дифоъ Фаридун Маҳмадалиев иттилоъ дод.
Бино ба қавли ӯ, вилояти Хатлон ва шаҳри Душанбе аллакай нақшаи сафарбаркунии ҷавонро ба Қувваҳои Мусаллаҳи Тоҷикистон иҷро кардаанд. Ин нишондод дар ВМКБ ба 97,3 фойиз, вилояти Суғд-90 дарсад ва навоҳии тобеъи марказ 93% баробар аст.
Маврид ба тазаккур аст, ки маъракаи сафарбарнамоии ҷавонон ба хизмати ҳарбӣ аз ду давра иборат буда, акнун даври баҳорӣ ба охир мерасад ва давраи тирамоҳӣ аз авали моҳи октябр оғоз ёфта, дар охири моҳи ноябр ба анҷом мерасад.