Сабқати Осиё-2017: Мунтахаби ҷавонони Тоҷикистон шикаст хӯрд
Яккачини ҷавонони Тоҷикистон оид ба футзал дар нахустин дидораш дар мусобиқоти Осиё-2017 ба нокомӣ рӯбарӯ шуд.
Дар дидор бо мунтахаби ҷавонони Индонезия, ки 16 май дар дар пойтахти Тайланд – шаҳри Банкок баргузор шуд, бозигарони тоҷик бо ҳисоби 3:5 шикаст хӯрданд.
Се голи Тоҷикистонро Шоҳрух Ҳамидов, Иқбол Воситзода ва Умед Кузиев ба ҳадаф расонданд.
Тими миллии ҷавонони Тоҷикистон дар мусобиқоти Осиё-2017 оид ба футзал дар гуруҳи “D” рақобат мекунад. Рақиби навбатии бозигарони ҷавонони тоҷик яккачини Ветнам аст. Ин дидор имрӯз, 17 май доир мешавад.