Дустӣ: Зан навзодашро 6 ҳазор сомонӣ фурӯхтааст
Кормандони пулис як cокини 35-солаи ноҳияи Дӯстиро барои фурӯхтани тифлаш боздошт кардаанд.
Торнамои расмии Вазорати умури дохилии Тоҷикистон менависад, чорабиниҳои оперативӣ-ҷустуҷӯӣ муайян кардааст, ки ин зан 31 марти соли 2017 дар таваллудхонаи ноҳияи Дӯстӣ духтарча таваллуд карда, баъди гузоштани ном ва дарёфти шаҳодатнома дар бораи таваллуд ӯро ба марди 27-солаи сокини ноҳия ба маблағи 6 ҳазор сомонӣ фурӯхтааст. Ба иттилои манбаъ, боздоштшуда тифлашро бо маслиҳати марди 34-сола ва зани 41-сола, ҳар ду сокинони ноҳияи Дӯстӣ савдо кардааст. “Аз рӯи ин далел парвандаи ҷиноятӣ оғоз гардида, тафтишот идома дорад”,-меафзояд манбаъ.