ВКД: Ду мудир аз корхонаи нафт 180099 литр маводи сӯхтро рабудаанд
Вазорати умури дохилии Тоҷикистон аз боздошти як сокини шаҳри Ваҳдат хабар медиҳад, ки дар азхудкунӣ ё исрофкорӣ муттаҳам мешаванд.
Ба иттилои манбаъ, ин марди 52-сола аз моҳи феврали соли 2014 то моҳи феврали соли 2017 дар вазифаи мудири анбори корхонаи нафтие дар ҳудуди шаҳри Душанбе фаъолият намуда, бо маслиҳати пешакӣ бо мудири нуқтаи фурӯши сӯзишвории корхона, сокини 31-солаи ноҳияи Рӯдакӣ аз анбори корхонаи мазкур 161 ҳазору 424 литр сӯзишвории бензин ва 18 ҳазору 675 литр сӯзишвории дизелиро ба маблағи умумии 695 ҳазору 783 сомонӣ азони худ намудаанд: “Нисбати далели мазкур парвандаи ҷиноятӣ оғоз карда шуда, тафтишоти ҳодиса давом дорад”.