Мақоми 215-уми Душанбе миёни 231 шаҳри ҷаҳон
Ширкати машваратии “Mercer” сифати зиндагӣ дар 231 шаҳри ҷаҳонро раддабандӣ карда, Душанберо дар қаттори шаҳрҳои дорои бадтарин сифати зиндагӣ қарор додааст.
Ин ширкат дар шохиси сифати зиндагӣ 2017, Душанберо миёни 231 шаҳр дар мақоми 215-ум қарор додааст.
Ширкати “Mercer” аз рӯи 10 нишондиҳанда, ба монанди муҳити сиёсӣ ва иҷтимоӣ, муҳити иқтисодӣ, муҳити иҷтимоӣ-фарҳангӣ, дастрасӣ ба хизматрасониҳои тиббӣ, макотиб ва маориф, ҳамлу нақл, тафреҳ, колоҳои мавриди истифода ва муҳити зист сифати зиндагӣ дар шаҳрҳоро муайян кардааст.
Аз миёни шаҳрҳои Осиёи Марказӣ Тошканд, дар ҷойи 105, Ишқобод 211 ва Бишкек дар мақоми 207-уми ин раддабандӣ омадааст. Шаҳри Бағдод, пойтахти Ироқ дар мақоми 231-ум қарор гирифта, бадтарин шаҳр барои зиндагӣ дониста шудааст.
Шаҳрҳои Вена, пойтахти Утриш соли ҳаштум аст, ки дар садри раддабандӣ қарор дорад. Сиюрих, шаҳр дар Суис (Шветсария), Окленд шаҳр дар Зеландияи Нав, Мюнхени Олмон ва Ванкувери Канада аз панҷгонаи шаҳрҳои писандида ва дорои беҳтарин сифати зиндагӣ баҳогузорӣ шудаанд.