Фирори ронандаи маст баъди зер кардани пиёдагард
Мақомоти умури дохилии Тоҷикистон ронандаи автомашинаи “Мерседес-бенс”-ро, ки шоми шанбеи 11-уми феврал ҳангоми ҳаракат дар роҳи Ваҳдат-Душанбе пиёдагардро зер карда, фирор намудааст, боздошт карданд.
Тибқи иттилои Вазорати умури дохилӣ боздоштшуда, марди 47-солаи сокини шаҳри Душанбе мебошад, ки дар ҳолати мастӣ қарор дошта, мошинро бидуни шаҳодатномаи ронандагӣ идора мекардааст.
Манбаъ мегӯяд, марди 28-сола, сокини ноҳияи Рӯдакӣ, ки дар ҳудуди деҳаи Шаҳристони ноҳияи Рӯдакӣ зери чархи ин ронандаи маст мондааст, феълан дар беморхона бистарӣ мебошад.