Суғд: 165 парвандаи ҷиноятӣ барои хариду фурӯши худсаронаи замин

Тайи 12 моҳи соли гузашта 6 ҳазор гектар қитъаҳои замини шимоли кишвар худсарона ва ғайриқонунӣ ишғол гардидааст. Ҳабибулло Воҳидов, додситони вилояти Суғд мегӯяд, дар робита ба ин 165 парвандаи ҷиноятӣ боз гардида, тамоми заминҳо ба ҳолати аввала оварда шудааст: “Барои ғайриқонунӣ додани замин, хариду фурӯши он алайҳи 9 нафар шахсони масъули ҷамоатҳои деҳоту шаҳрак, 3 корманди кумитаҳои идораи замин ва 6 роҳбари хоҷагиҳои кишоварзӣ парвандаҳои ҷиноятӣ оғоз карда шудааст”.