Даргузашти Ҳусейн Насриддинов, ҳофизи халқии Тоҷикистон
Ҳусейн Насриддинов, ҳофизи халқии Тоҷикистон шаби 29 ба 30-юми ноябр соати 2:30 дар синни 88 солагӣ дар зодгоҳаш, маҳаллаи Элоки ноҳияи Шаҳринав даргузаштааст.
Дар ин бора ба “Озодагон” аз маъмурияти ноҳияи Шаҳринав хабар дода, афзуданд, ки ҷанозаи марҳум баъди зуҳри имрӯз, 30-юми ноябр дар зодгоҳаш деҳаи Элок баргузор мешавад.
Насриддинов 10-уми декабри соли 1929 дар деҳаи Элок ба дунё омада, давоми умраш беш аз 500 суруд бо забонҳои тоҷикию узбекӣ иҷро кардааст.